गाई काटेका आरोपमा तादी गाउँपालिकामा एकजना पक्राउ

नुवाकोट । गाई काटेका आरोपमा नुवाकोटको तादी गाउँपालिका वडा नम्बर ३ टुटुङ अल्छेढुङ्गाबाट एक जना पक्राउ परेका छन् ।

आज विहान अन्दाजी साढे सात बजेतिर टुटुङ अल्छेढुङ्गामा गाई काटिरहेको अवस्थामा एक जनालाई स्थानियबासीले पक्राउ गरेको प्रहरीले जनाएको छ । स्थानियबासीहरुले भने १० जना मिलेर गाई काटेको बताएका छन् । तर अन्य ९ जना फरार रहेको बताइएको छ ।

घटना भएलगत्तै खरानटिारबाट खटिएको प्रहरी टोलि घटनास्थलतर्फ लागेका छन् । घटना स्थलबाट एकजनालाई पक्राउ गरिए पनि अन्यको भने खोजी भइरहेको नुवाकोट प्रहरीले जनाएको छ । घटनाको थप अनुसन्धान भइरहेको नुवाकोट प्रहरीले जनाएको छ ।