भैसी व्यापारीमा कोरोना भेटिएपछि ईनारपाटी क्षेत्र सिल

विदुर । विदुर नगरपालिका वडा नम्बर ६ ईनारपाटीका एक भैसी व्यापारीलाई कोरोना संक्रमण भेटिएपछि ईनारपाटी सिल गरिएको छ ।

शुक्रवार नगरपालिकामा भएको सर्वपक्षिय बैठकले ईनारपाटी क्षेत्रलाई सिल गर्ने निर्णय भएको विदुर नगरपालिकाकी उपमेयर गिता दाहालले जानकारी दिइन् । संक्रमित व्यक्तिबाट रोगको संक्रमण समुदायमा फैलन नदिन वडा नम्बर ६ लाई सिल गरिएको उपमेयर दाहालले बताइन् ।

उपमेयर दाहालका अनुसार पुर्वमा आपघारी चौतारादेखि ईनारपाटी चन्द्रज्योति सडक, पश्चिममा वडा कार्यालयदेखि महारानिहिडि, उत्तरमा देविघाट जलविद्युत जाने घुम्ती र दक्षिणमा चन्डिपोखरी क्षेत्रलाई सिल गर्ने निर्णय गरिएको छ ।

यसैविच वडा नम्बर ६ मा उच्च सुरक्षा सर्तकता अपनाउन नगरपालिका, वडा कार्यालय र प्रहरी असफल भएको भन्दै ईनारपाटीका स्थानियहरुले सामाजिक संजाल फेसबुकमार्फत असन्तुष्टि व्यक्ति गरेका छन् । नुवाकोट उद्योग वाणिज्य संघका सदस्य तथा समाजसेवी राजकुमार आचार्यले नगरपालिका र वडा कार्यालयले सुरक्षा सर्तकता अपनाउन नसकेको भन्दै असन्तुष्टि व्यक्त गरेका छन् ।

उनले वडाभित्र निर्वाध रुपमा अपरिचित व्यक्ति प्रवेश गरिरहेकोले त्यसलाई रोक्न सबै मिलेर लाग्नुपर्ने बताए । उनले वडालाई कोरोनामुत्त बनाउन प्रहरी र प्रशासनले मात्र नसक्ने भन्दै सबैैले सुरक्षा सर्तकता अपनाउन पर्ने बताए ।