भिरबाट लडेर तारकेश्वरमा एक जनाको ज्यान गयो

नुवाकोट । तारकेश्वर गाउँपालिका वडा नम्बर ५ सिमब्बल खोलास्थित भिरबाट लडेर एक जनाको ज्यान गएको छ ।

मृत्यु हुनेमा तारकेश्वर गाउँपालिका वडा नम्बर ५ रामबहादुर तामाङ रहेको जिल्ला प्रहरी कार्यालय नुवाकोटले जनाएको छ । आफ्नी वहिनीलाई भेटघाट गर्न जान्छु भनि घरबाट निस्केका उनी शनिवार दिउँसो भिरबाट लडेका थिए ।

भिरबाट लडेर गम्भीर घाईते भएका उनको उपचार गराउन त्रिशुलि अस्पताल ल्याउने क्रममा बाटोमै मृत्यु भएको जिल्ला प्रहरी कार्यालय नुवाकोटले जनाएको छ ।