अन्यायको विरुद्धमा बोल्छु ,
अत्याचारको विरुद्धमा बोल्छु ,
बेथितिको विरुद्धमा बोल्छु ,
हो म बोल्छु ,

श्री ३ को विरुद्धमा पनि बोल्छु !!

जब जब ,
न्यायको चिरहरण हुँन्छ ,
स्वाभिमानमा दाग लाग्छ ,
भ्रष्टाचारले मुलुक आक्रान्त बन्छ ,
तब तब म बोलिरहन्छु ,
भ्रष्ट साशकको पोल खोलिरहन्छु !!

मेरो बोलिले यदि छुन्छ भने ,
मेरो शब्दले यदि चुम्छ भने ,
हे सरकार …….

लगाईदे मुखमा ताला,
लगाईदे हातमा हत्कडी,
झुण्ड्याईदे टुँडिखेलमा अनि काढ्दे छाला !!

निचोर पसिना,
चुस रगत ,
बना करङ्गको गिटार अनि बजा नलि खुट्टाको बाँसुरी !!

तर ….. तर …..

बिचारबाट बिचलित ,
सिद्धान्तबाट स्वखलित ,
बिदेशिबाट संचालित ,
NGO\INGO बाट परिचालित ,
सबैको विरुद्धमा बोल्छु !!

नांङ्गिने कलाकारको विरुद्धमा बोल्छु ,
नंङ्ग्याउने पत्रकारको विरुद्धमा बोल्छु !
सामन्ती परम्पराको विरुद्धमा बोल्छु ,
नवसामन्ती संस्कारको विरुद्धमा बोल्छु !!

वाह वाही मात्र होईन ,
जयजयकार मात्रै पनि होईन

बिर्सेको छैन अरु पनि छन समाजवाद, रेल बिभागवाला समाजवाद कि पानीजहाज बिभागवाला समाजवाद ? पुँजिवाला समाजवाद कि सर्वहारावाला समाजवाद ? आतुर छन यी कान, स्पस्ट धारणा सुन्न, बालुवाटारवाला समाजवाद कि खुमलटारवाला समाजवाद ? कार्पेटवाला समाजवाद कि कात्रोवाला समाजवाद ? लत्रे समाजवाद कि अलपत्रे समाजवाद ?

राम चन्द्र तिम्सिना (आवाज)