स्काई लभ फाउन्डेसनद्वारा न्यानो कपडा वितरण

विदुर खबर २०८३ मंसिर १ गते १८:०७

नुवाकोट । उत्तरगया गाउँपालिका वडा नं. १ का बाढी प्रभावित नागरिकहरूलाई न्यानो कपडा वितरण गरिएको छ।

विदुर नगरपालिका वडा नं. ५ का वडा अध्यक्ष लीलानाथ न्यौपानेको आवश्यक समन्वय तथा विशेष पहलमा स्काई लभ फाउन्डेसनको आर्थिक तथा सामग्री सहयोगमा उक्त राहत वितरण कार्यक्रम सम्पन्न भएको हो।

बाढीका कारण विस्थापित भई हाल अस्थायी रूपमा आश्रय लिइरहेका कोदोवारी होल्डिङ सेन्टरका प्रभावित परिवारहरूलाई चिसो मौसमबाट जोगाउने उद्देश्यले न्यानो कपडा प्रदान गरिएको हो।

विपद्को कठिन समयमा स्थानीय जनप्रतिनिधि र परोपकारी संस्थाहरूको सहकार्यले प्रभावित परिवारलाई ठूलो राहत मिलेको छ।

यस मानवीय सहयोग तथा सहकार्यका लागि स्थानीय बासिन्दा तथा सरोकारवालाहरूले स्काई लभ फाउन्डेसन र समन्वयकारी भूमिका निर्वाह गर्नुहुने वडा अध्यक्ष न्यौपानेप्रति हार्दिक आभार व्यक्त गरेका छन्।

प्रतिक्रिया