नुवाकोटका ३७ जनाले कोरोना जितेर घर फर्किए

नुवाकोट । नुवाकोटका ३७ जनाले कोरोनालाई जितेर घर फर्किएका छन् ।

जिल्ला स्वास्थ्य कार्यालय नुवाकोटका अनुसार जिल्लामा रहेका ४३ कोरोना संक्रमितमध्ये ३७ जना कोरोना संक्रमित निको भएर घर फर्किएका हुन् । बाँकी रहेका ६ जना कोरो संक्रमितमध्ये ३ जनाको त्रिशुली अस्पताल र अन्य ३ जनाको काठमाण्डौमा उपचार भइरहेको स्वास्थ्य कार्यालय नुवाकोटका प्रमुख सागर घिमिरेले जानकारी दिए ।

नुवाकोटमा हालसम्म ८ सय ७३ जनाको पिसिआर परिक्षण भएको छ जसमध्ये ४३ जनामा कोरोनाको संक्रमण देखिँदा ७ सय ७१ जनाको पिसिआर नेगेटिभ देखिएको छ।

त्यस्तै ५९ जनाको पिसिआरको नतिजा आउँन बाँकी रहेको स्वास्थ्य कार्यालय नुवाकोटले जनाएको छ ।