आचार्यको पहलमा सरिता सिलवाल सहयोग अभियानले सार्थकता पाउँदै

विदुर । समाजसेवी तथा युवा व्यवसायी राजकुमार आचार्यको पहलमा लिखु गाउँपालिका वडा नम्बर ६ निवासी सरिता सिलवालका अपाङ्गता भएका दुई छोराहरुलाई आर्थिक सहयोग गरिएको छ ।

करिब एक महिनाको अन्तरालमा सरिता सिलवाल सहयोग अभियानबाट करिब एक लाख ७१ हजार रुपैयाँ घरमै पुगेर वितरण गरिएको छ । सरिताकी चार सन्तानमध्ये दुई सन्तान यादव सिलवाल र रमेश सिलवाल जन्मजात नै अपाङ्ग भएको र घरको आर्थिकस्थिति नाजुक रहेको सामाजिक संजालमार्फत सहयोगको लागि अभियन्ता राजकुमार आचार्यले फेसबुकमा पोस्ट गरेका थिए।

सिलवाल सहयोग अभियानमा आर्थिक सहयोग जुट्ने क्रममै जारी नै रहेको छ ।

सहयोग गर्न चाहानेहरुले निम्न नम्बरमा सम्पर्क गर्न सक्ने समाजसेवी आचार्यले विदुर खबरलाई बताए ।