नुवाकोटको तादीमा भरुवा बन्दुकसहित दुई पक्राउ

विदुर । नुवाकोटको तादी गाउँपालिका तादी वडा नम्बर ५ बाट भरुवा बन्दुकसहित दुई जना पक्राउ परेका छन् ।

पक्राउ पर्नेहरुमा तादी गाउँपालिका वडा नं ५ का २३ वर्षिय बिष्णु बहादुर तामाङ र २७ वर्षिय सानुबाबु तामाङ रहेको जिल्ला प्रहरी कार्यालय नुवाकोटले जनाएको छ । उनीहरुलाई काठको भरुवा बन्दुक निर्माण गरी बिक्रि बितरणको तयारी गरिरहेको अवस्थामा पक्राउ गरिएको जिल्ला प्रहरी कार्यालय नुवाकोटका डिएसपी राजेश थापाले जानकारी दिए ।

पक्राउ परेका उनीहरुलाई जिल्ला अदालत नुवाकोटबाट विहिबार ४ दिनको म्याद थप गरि अनुसन्धान शुरु गरिएको बताइएको छ । उनीहरुलाई हातहतियार तथा खरखजना सम्बन्धि कसुर शिर्षकमा मुद्दा दर्ता गरिएको छ ।