त्रिशुली स्कुलको शैक्षिक विकास तालिम केन्द्रमा आइसोलेसन निर्माण गरिने

विदुर । नुवाकोटको विदुर नगरपालिका वडा नम्बर १ त्रिशुलीमा रहेको त्रिभुवन त्रिशुली उच्च माध्यामिक विद्यालयको शैक्षिक विकास तालिम केन्द्रमा आइसोलेसन वार्ड निर्माण गरिने भएको छ ।

नुवाकोटमा कोरोना संक्रमितहरुको संख्या दिनानुदिन बढ्दै गएको र त्रिशुली अस्पतालमा रहेको आइसोलेसन वार्डको संख्या न्युन भएको भन्दै COVID-19 रोकथाम तथा नियन्त्रणसम्बन्धी जिल्लास्तरीय Crisis Management Center को बैठकले  जिल्ला सुरक्षा समितिले हाल क्वारेनटाइनको रुपमा रहेको तालिम केन्दलाई आइसोलेसन वार्डको रुपमा विकास गर्न लागिएको बताइएको छ । हाल सो स्थानमा रहेको क्वारेनटाइनलाई भने विदुर नगरपालिका वडा नम्बर ५ च्वाडी माध्यामिक विद्यालयमा सारिने बताइएको छ ।

त्यस्तै बैठकले नुवाकोटमा स्वाब संकलनका लागि भिटिएम किटको अभाव रहेको भन्दै स्वास्थ्य कार्यालयलाई एकहजार किट किन्न अनुरोध गरेको छ ।