मृग काटेको आरोपमा बेलकोगढीबाट काका भतिज पक्राउ

विदुर । संरक्षित वन्यजन्तु मृग काटेको आरोपमा बेलकोटगढी नगरपालिका वडा नम्बर ६ बाट दुई जना पक्राउ परेका छन ।

पक्राउ पर्नेहरुमा ५९ वर्षिय मरिचमान लामा र ४० वर्षिय धनसिंह लामा रहेको जिल्ला प्रहरी कार्यालय नुवाकोटले जनाएको छ । सोमबार विहान उनीहरुलाई घरमा मृग मारेर मासु काटिरहेको अवस्थामा जिल्ला प्रहरी कार्यालय र डिभिजन बन कार्यालय नुवाकोटको टोलीले पक्राउ गरेको हो । प्रहरीको टोलीले चेकजाँचको क्रममा खानतलासी गर्दा मृग टाउको नरहेको अबस्थामा फेला पारेको थियो ।

उनीहरुलाई पक्राउ गरी डिभिजन बन कार्यालय नुवाकोटलाई बुझाईएकोमा मंगलवार जिल्ला अदालत नुवाकोटबाट दिन १५ दिनको म्याद थप गरि अनुसन्धान शुरु गरिएको जिल्ला प्रहरी कार्यालय नुवाकोटले जनाएको छ । जङ्गलबाट मृग समाती घरमा ल्याएर काटेको विशेष सूचनाका आधारमा उनीहरुलाई प्रहरीले पक्राउ गरेको हो ।