विदुर नगरपालिकाका मेयर–उपमेयर जनताको काम छाडेर काठमाण्डौमा

नुवाकोट । विदुर नगरपालिकाका मेयर सञ्जु पण्डित र उपमेयरहरु गिता दाहाल जनताको काम छाडेर आईतबार काठमाण्डौ गएका छन ।

सामान्यत मेयर वा उपमेयरमध्ये एकले कार्यालय छोड्न नपाउने प्रावधानलाई लत्याउँदै उनीहरु काठमाण्डौमा चिनिया राजदुत महेन्द्र पाण्डेको विदाई कार्याक्रममा विदाई गर्न गएका थिए । सरकारले लकडाउन गरेसँगै सार्वजनिक कार्यक्रम नगर्न निर्देशन दिएपनि उनीहरुको सरकारको घोषणा विपरित गरिएका कार्यक्रममा पुगेका हुन । कार्यालयमा मेयर–उपमेयर दुबै नहुँदा आफुहरुको काम प्रभावित भएको सर्वसाधारणले गुनासो पोखेका छन । त्यस्तै एकसातादेखि नगरपालिकाका प्रमुख प्रशासकिय अधिकृत सुदेवकुमार पोखरेल समेत कार्यालयमा आएका छैनन । नुवाकोट प्रशासनले केही महिनाअघि जिल्लाका कुनैपनि स्थानिय तहका प्रमुख प्रशासकिय अधिकृतलाई कार्यालय नछाड्न निर्देशन दिएपनि नगरपालिकाका प्रमुख प्रशासकिय अधिकृत पोखरेलले पनि प्रशासनको निर्देशन लत्याउँदै घरायसी काम देखाउँदै विदामा वसेका हुन ।

आईतवार विदुर नगरपालिकाको कार्यालय पुगेका सर्वसाधारणले आफुहरुको गुनासो सुन्ने जनप्रतिनिधि कोही नभएको भन्दै असन्तुष्टि पोखेका छन । विदुर नगरपालिका वडा नम्बर १० का संजीव पाण्डेले कामको लागि आएको भन्दै मेयर उपमेयर दुबै नभएकोले समस्या परेको बताए । उनले मेयर–उपमेयरले कार्यालय नै खाली छाडेर
जानु उचित नभएको भन्दै असन्तुष्टि व्यक्त गरे ।

तर विदुर नगरपालिकाका मेयर र उपमेयर भने चिनका लागि नवनियुत्त राजदुत महेन्द्रवहादुर पाण्डेलाई विदाई गर्न काठमाण्डौ गएको बुझिएको छ ।