उपचार गराउन हिँडेकी नुवाकोटकी एक महिला वेपत्ता

विदुर÷उपचार गराउन जाने भन्दै घरबाट हिडेको नुवाकोटका एक महिला वेपत्ता हुनुभएको छ ।

बेपत्ता हुनेमा तार्केश्वर गाउपालिका वडा नम्बर ४ बस्ने ज्ञानबहादुर श्रेष्ठको श्रीमती उर्मिला श्रेष्ठ रहेको नुवाकोट प्रहरीले जनाएको छ । बेपत्ता हुनुभएका श्रेष्ठ खुट्टा झमझमाउने रोगबाट पीडित हुनुभएको र उपचारको लागी हिजो बट्टार जान्छु भनी हिडेकोमा केही खबर नआए पछि उहाँका श्रीमान् ज्ञानबहादुर श्रेष्ठले तारुका प्रहरी चौकीलाई जानकारी गराएका थिए ।

प्रहरीले खोजी गर्ने क्रममा बेपत्ता महिलाले दर्शनटार स्थित त्रिशूली खोलाको झलुंगे पुलबाट हामफालेको देखेको स्थानीयबासीले बताएका छन् । झलुंगे पुलको छेउमा महिलाको कपडा र झोला भेटिएको तारुका प्रहरी चौकीले बताएको छ । बेपत्ता महिलाले आत्महत्या गरेको हुनसक्ने र घटनाबारे थप अनुसन्धान जारी रहेको नुवाकोट प्रहरीले जनाएको छ ।