नुवाकोटमा लकडाउनको अवज्ञा गर्ने ३१ ओटा मोटरसाइकल कारवाहीमा

नुवाकोट । नुवाकोटमा बुधवार सरकारले गरेको लकडाउन तथा जिल्ला प्रशासन कार्यालयले घोषणा गरेको निषेधाज्ञाको पालना नगर्ने ३१ ओटा मोटरसाइकललाई नियन्त्रणमा लिइएको छ ।

जिल्ला प्रहरी कार्यालय नुवाकोटका प्रमुख अविनारायण काफ्लेका अनुसार लकडाउनलाई अवज्ञा गरि सवारी साधन संचालन गरेको भन्दै उनीहरुलाई नियन्त्रणमा लिई कारवाही लागि जिल्ला प्रहरी कार्यालय लगिएको छ ।

यसैविच जिल्ला प्रहरी कार्यालय नुवाकोटले लकडाउन तथा निषेधाज्ञाको पालना नगरेको भन्दै ६३ जनालाई केही समय होल्ड गरि सम्झाइबुझाई छाडिएको छ । बजार क्षेत्रमा व्यापक रुपमा मानिसहरु हिँड्न थालेपछि नुवाकोट प्रहरीले लकडाउन र निषेधाज्ञाका पालना नगर्नेहरुलाई समेत कारवाहीको दायरामा ल्याउन थालेको हो ।

यसअघि पनि नुवाकोट प्रहरीले लकडाउन तथा निषेधाज्ञाको अवज्ञा गरेको भन्दै झन्डै २ सय सवारीसाधनलाई कारवाहीको दायरामा ल्याइसकेको छ ।