आयोजनाका योजना प्रमुख नारायणदत्त भण्डारीले भीर काट्न डेढ महिना लाग्ने बताए । उक्त भीरबाट पहिला खनिएको सडक साँघुरो थियो । डाडाँमाथिदेखि भीर काट्न समय लागेको र भएभरका मेशिन यही परिचालन गरी काम भइरहेको ठेकेदार कम्पनीका प्रबन्धक गौरीशंकर महतोले बताए । यो भीर काटेपछि बुद्धसिङघाटको भीर काट्नुपर्ने आयोजनाले जनाएको छ । कल्चौडेभन्दा बुद्धसिङघाटको भीर सानो छ । दुवै भीर त्रिशूली नदी वारी छन् । गल्छीदेखि रसुवागढी नाकासम्म ८२ किलोमिटर छ । आयोजनाले तीन खण्डमा विभाजित गरी काम गरिरहेको छ । पहिलो खण्ड गल्छी–मैलुङसम्मको ४६ किमि भित्र यो भीर पर्छ । उक्त सडक खण्डमा आयोजनाले ६० प्रतिशत काम सकिएको छ । पहिलो खण्ड धादिङको गल्छी हुदै नुवाकोटको कोल्पुटार, रातोमाटे, महादेवफाँट, काशीटार, देवीघाट, पीपलटार, गंगटे रहेको छ । यहाँ २० किमि सडक स्तरोन्नति गरेको आयोजनाले जनाएको छ ।