कोरोना प्रभाव: सुनसान बन्दै नुवाकोटको सदरमुकाम

विदुर । कोरोना भाइरसको संक्रमणका डरले अत्यावश्यक कामबाहेक सर्वसाधारणहरु घरबाहिर निस्कन छाडेका छन् । सर्वसाधारणहरुको आवतजावतमा कमी भएपछि त्यसको असर व्यापार व्यवसायमा पर्न थालेको छ ।

नुवाकोटको मुख्य बजार क्षेत्रहरु बट्टार, बिदुर, त्रिशूली, कोलनी लगायत क्षेत्रमा मानिसहरु निकै कम मात्रामा देखिन थालेका छन् । बिगतमा जाडो महिना सकिएर गर्मी मौसम सुरु भएको समयमा बजार क्षेत्रमा चहलपहल बढ्ने गरेपनि यसपटक त्यस्तो देखिएको छैन् ।

सरकारले सभा–सम्मेलन, भीडभाडलगायतका ठाउँमा नजान आग्रह गरेसंगै सदरमुकाममा कुनै पनि प्रकारका कार्यक्रमहरु नहुँदा सदरमुकाम सुनसान बन्दै गएको छ । नागरिकहरुको आवागमनमा कमी संगै सदरमुकाम क्षेत्रको होटल ब्यवसाय सबैभन्दा बढी प्रभावित बनेको छ भने सार्वजनिक यातायातमा यात्रा गर्नेहरुको संख्यामा समेत उल्लेख्य कमी आएको छ ।

उत्तरगया दैनिकबाट