नुवाकोटको पन्चकन्यामा अवैध काठसहित दुईजना पक्राउ

नुवाकोट । नुवाकोटको पन्चकन्या गाउँपालिकामा अवैध सालको काठसहित दुईजना पक्राय परेका छन ।

पक्राउ पर्नेहरुमा पन्चकन्या गाउँपालिका वडा नम्बर २ का १९ को दिपेन्द्र राई र विकाश परियार रहेको जिल्ला प्रहरी कार्यालय नुवाकोटले जनाएको छ ।

उनीहरुलाई बा.४ ख.६४४२ नम्बरको आईचर गाडीमा ३४ थान (७५.४७ क्यु.फी) अबैध सालको काठ लोड गरिरहेको अबस्थामा पक्राउ गरिएको जिल्ला प्रहरी कार्यालय नुवाकोटले जानकारी दिएको छ । पक्राउ परेकाहरु आइचरका चालक र सहचालक रहेका छन । उनीहरुलाई जिल्ला प्रहरी कार्यालय नुवाकोट ल्याएर आवश्यक कारवाहीका लागी डिभिजन बन कार्यालय बिदुरमा पठाइएको छ ।