डकैती गरेको आरोपमा नुवाकोटको शिवपुरीका वडासदस्य पक्राउ

विदुर खबर २०७६ फागुन २० गते २०:०९

विदुर । नुवाकोटको शिवपुरी गाउँपालिका वडा नम्बर ५ का वडासदस्य राजु थापा पक्राउ परेका छन ।

केन्द्रीय अनुसन्धान ब्यूरो काठमाडौंले डकैती मुद्दामा फरार थापा ३२ तोला सुन डकैती गरेको आरोपमा गरेको हो । सर्वोच्च अदालतले थापालाई डाँका मुद्दामा २०७५ साल असार ११ गते ४ लाख २० हजार जरिवाना र ६ वर्ष कैदको फैसला सुनाएको थियो ।

ब्यूरोको टोलीले काठमाडौंको मित्रनगरबाट थापालाई मंगलबार पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरेको र अदालतले उनलाई डील्लीबजार कारागार पठाएको प्रहरीले जनाएको छ ।प्रहरीका अनुसार थापाले काठमाडौंको भिमसेनगोलाबाट २०५३ साल माघ १० गते राति ३२ तोला सुन लुटेर फरार भएका थिए ।

हङकङबाट ल्याएको उक्त परिमाणको सुन भन्सार छुट्याएर ल्याउँदै गर्दै थापाले बाटोबाटै लुटेर फरार भएको भन्दै छिरिङ वाङ्गेल घलेले उनीविरुद्ध मुद्दा दायर गरेका थिए । पक्राउ परेका थापाले स्थानिय तहको चुनावमा तत्कालिन नेकपा एमालेबाट ६ सय २० मत ल्याएर विजयी भएका थिए ।