लागुऔषध सहित नुवाकोटको कोलननीबाट एकजना पक्राउ

त्रिशुली । नुवाकोटको विदुर नगरपालिका वडा नम्बर ९ कोलनीबाट लागुऔषध सहित बुधबार एकजना पक्राउ परेका छन ।

पक्राउ पर्नेमा विदुर नगरपालिका वडा नम्बर ९ डिबजारका ३३ वर्षिय रबिनजंग गौतम रहेको जिल्ला प्रहरी कार्यालय नुवाकोटले जनाएको । गौतमलाई लागुऔषध ओसार पसार गरी बेचबिखन गर्ने गरेको र घरमानै ठुलो परिमाणमा लागु औषध लुकाई छिपाई राखेको आरोपमा पक्राउ गरिएको जिल्ला प्रहरी कार्यालय नुवाकोटले जनाएको छ ।

जिल्ला प्रहरी कार्यालय नुवाकोटबाट खटीएको प्रहरी टोलीले उनको शरिर तथा घरको खानतलासी गर्ने क्रममा एम्पुल नामक लागुऔषध भेटिएको बताइएको छ । उनलाई बिहिबार जिल्ला अदालत नुवाकोटबाट ५ दिनको म्याद थप गरी अनुसन्धान शुरु गरिएको जिल्ला प्रहरी कार्यालय नुवाकोटका डिएसपी राजेश थापाले जानकारी दिए ।