सन्चारमन्त्रीको कमिसन सेटिङवारे समाचार छाप्न नमानेपछि नयाँ पत्रीकाका पत्रकार ढुंगानाद्धारा राजिनामा

नुवाकोट । नयाँ पत्रीका दैनिकका पत्रकार पुष्प ढुंगानाले राजिनामा दिएका छन ।

सन्चारमन्त्री गोकुल बास्कोटाले कमिसनका लागि डिल गरेको अडियो टेप बाहिरिदाँ पनि समाचार लेखेर पत्रिकाले छाप्न तयार नभएपछि पदबाट राजिनामा दिएका छन् । सामाजिक सन्जालमा एक पोष्ट लेख्दै पत्रकार ढुंगानाले भनेका छन्, ‘मेरो पत्रकारितामा निकै नमिठो अनुभव, मन्त्रीको कमिशन अडियो पेश हुँदासम्म समाचार बनाउन सकिएन ।

ग्लानी यो अर्थमा कि मैले कसका लागि पत्रकारिता गर्दैछु रु खरदारले सय रूपैया घुस खाएको समाचार लेखेर मन्त्रीको अनियमितता लुकाउन सकिँदैन । त्यसकारण पत्रकारिताको यात्रामा ब्रेक लगाएको छु ।’