कोरोना भाइरसका कारण निर्माणाधीन जलविद्युत कम्पनीको काम ठप्प
सुवास निरौला । चीनमा फैलिएको कोरोना भाइरसका कारण नेपालमा निर्माणाधीन जलविद्युत कम्पनीमा प्रत्यक्ष असर देखिन थालेको छ । निर्माण सामाग्री र कामदार अभावमा यतिबेला निर्माणाधीन आयोजनाको काम सुस्त हुन थालेको हो ।
बिद्युत आयोजनाको लागि धेरैजसो सामाग्री चीन र जर्मनीबाट आयात हुने गर्छ । चीनको प्रभाव जर्मनीसम्म पुगेको छ । किनकि, जर्मनीमा उत्पादन भएको सामानको मटेरियल चीनबाटै जाने गरेको छ । चीनबाट कच्चा सामाग्री जर्मनी जाने र त्यँहा उत्पादन भएर नेपालमा आउने गरेको छ । जर्मनीबाट समेत सामान नआएपछि आयोजना निर्माण प्रभावित भएकाे पाइएकाे छ।चिनियाँ कम्पनीले निर्माण गरिरहेकाे आयाेजनाका कामदार समेत चीनबाटै आउने गरेका छन् । । यहाँ भएका कामदारले सामान आभावमा काम अघि बढाउन पाएका छैनन् भने पछिल्लो समय बिदा मनाउन गएका कामदार उतै रोकिएका छन् । जसले निर्माणमा थप बाधा पुगेको छ।
कुनै कम्पनीले जग खन्ने काम गरिरहेका छन् भने कति आयोजनाको टर्बाइन राख्ने बेला भएको छ । निर्माण सामग्रीहरूको प्रकृति अनुसार आयोजनाको काम अघि बढ्छ । कुनै सामान नहुने बित्तिकै सबै काम राेकिने अवस्था ठूला परियाेजनामा हुने गरेकाे पाण्डेले बताए । यसाे हुँदा सामान र कामदारको अभावमा आयोजनाको लागत र अवधि दुवै बढ्ने अनुमान पाण्डेको छ । काम रोकिएपछि तोकिएको समयमा काम सम्पन्न गर्न आयोजनाहरूलाई गाह्राे हुने छ । धेरैजसो काम मौसम अनुसार गर्नुपर्छ । ऊर्जा व्यवसायी ज्ञानेन्द्रलाल प्रधानले भने, मौसम अनुसार काम गर्ने परियाेजनामा सामान अभाव भए चाैपटै हुन्छ । समय लम्बिने बित्तिकै बैंकको व्याज थपिन्छ, भने उता डलरको उतार चढावले सामानकै मूल्य समेत बढ्ने संभावना रहन्छ । जसले आयोजनाको लागत बढाउन थप सहयोग गर्ने प्रधानकाे भनाई छ । ‘कति समयसम्म यो अवस्था रहने भन्ने निश्चित नभएकोले लागत र समय बढ्ने अनुमान अहिले नै गर्न सकिँदैन’ प्रधानले भने ।
यतिबेला देशमा करिव एकसय भन्दा बढी आयोजना निर्माणाधीन चरणमा रहेको अर्का ऊर्जा व्यवसायी सुवर्णदास श्रेष्ठले जानकारी दिए । ती सबै आयोजनाको निर्माणको अवस्था हेरी उनीहरूको कुन लेभलमा काम रोकिएको छ भनेर यकिन गर्ने तयारीमा यतिबेला संघले काम गरिरहेको श्रेष्ठले बताए । यसै पनि निर्माणाधीन आयोजनाको प्रगति संन्तोषजनक नरहेको अवस्थामा यसले थप समस्या निम्त्याउने भएकोले सरकारको समेत यसमा चासो हुनुपर्ने उनले बताए।
कतारी अमिरको नेपाल भ्रमण, सुरक्षा व्यवस्था चुस्त
ब्राउन सुगरसहित धादिङ तामाङ पक्राउ
धादिङमा केमिकल बोकेको ट्रकमा आगलागी
नुवाकोटमा सिन्दुर जात्राकाे रौनक सुरु
विदुर नगरपालिकाको रकमान्तर बजेट पारित- १ सरकारको स्वास्थ्य बीमाः ३५ सय तिर्दा वार्षिक १ लाखको सेवा
- २ नुवाकोटका सन्तोष उप्रेति होटल व्यवसायी महासंघको उपाध्यक्षमा निर्वाचित
- ३ सीमा नाकामा भिडन्त, एक सशस्त्र प्रहरी र आठ भारतीय व्यापारी घाइते
- ४ नुवाकोट आदर्श बहुमुखी क्याम्पसको निमित्त प्रमुखमा भोलाप्रसाद पाण्डे
- ५ चिसो बढ्यो, उच्च हिमाली भू-भागमा हल्का हिमपातको सम्भावना
प्रतिक्रिया