नुवाकोटमा चोरी गरेर भागेकी नम्रता दोलखाबाट पक्राउ

नुवाकोट । नुवाकोटको विदुर नगरपालिका वडा नम्बर १ त्रिशुलीबाट चोरी गरेर भागेकी दोलखाकी नम्रता श्रेष्ठ पक्राउ परेकी छन ।
उनलाई जिल्ला प्रहरी कार्यालय दोलखाले भिमेश्वर नगरपालिका वडा नम्बर ६, स्थित सातदोबाटोबाट पक्राउ गरेको हो । त्रिशुलीका होटल व्यवसायी हिराकृष्ण श्रेष्ठको घरमा काम गर्न वसेकी उनले गत पौष १५ गते घरमा कोही नभएको मौकामा दराजमा राखेको करिव १४ तोला सुन र दुई लाख रुपैयाँ लिएर भागेकी थिइन ।

उनलाई ज्रिल्ला प्रहरी कार्यालय दोलखा र नुवाकोट प्रहरीको संयुत्त टोलीले फोन कल डिटेलको आधारमा पक्राउ गरेको हो । उनलाई गर–गहनासहित दश लाख रुपैयाँसहित प्रहरीले नियन्त्रणमा लिएको हो । उनलाई आईतबार जिल्ला प्रहरी कार्यालयमा दासखला गरि थप अनुसन्धानको लागी जिल्ला अदालत नुवाकोटबाट ७ दिनको म्याद थप अनुसन्धान गरिएको जिल्ला प्रहरी कार्यालय नुवाकोटले जनाएको छ ।