नुवाकोटको तारकेश्वरमा अज्ञात समुहद्धारा एनसेलेको टावरमा आगजनी

नुवाकोट । नुवाकोटको तार्केश्वर गाउपालिका वडा नम्बर ५ मानेडाँडामा रहेको एनसेलको टावरमा बिहिबार राती ११ बजे अज्ञात समुहले आगजनी गरेको छ ।

आगजनीबाट टावरका व्याट्री, एटीएन बोर्ड, जेनेरेटर, पावर सप्लाई बोर्डलगायत जलेर नष्ट भएको प्रहरीले जनाएको छ । ती सामानमा पेट्रोल र मोविल छर्केर आगजनी गरिएको पाइएको नुवाकोट प्रहरीले जनाएको छ । टावरमा जुटको बोरा प्रयोग गरेर आगजनी गरिएको जिल्ला प्रहरी कार्यालय प्रहरी प्रमुख अबिनारायण काफ्लेले जानकारी दिए ।

विप्लव माओवादीका नुवाकोट जिल्ला सेक्रेटरी विन्तोष सिलवाललाई मंगलबार प्रहरीले पक्राउ गरेपछि उनीहरुको समुहले टावरमा आगजनी हुनसक्ने नुवाकोट प्रहरी प्रमुख काफ्लेले बताए । उनले घटनाको थप अनुसन्धान भइरहेको जानकारी दिएका छन ।