रसुवामा यात्रुवाहक वस दुर्घटना,सातजना घाईते (अपडेट)

धुन्चे । रसुवाको कालिका गाउँपालिका वडा नम्बर १ ठाडेमा यात्रुवाहक वस दुर्घटना हुँदा ७ जना घाईते भएका छन ।

काठमाण्डौंबाट रसुवाको धुन्चेतर्फ जाँदै गरेको प्रदेश ३–०१००५ ख–९४६५ नम्बरको यात्रुबाहक बस सडकबाट करिब १०० मिटर तल खसी दुर्घटना भएको जिल्ला प्रहरी कार्यालय रसुवाले जनाएको छ ।

बसमा चालक र सहचालकसहित ११ जना रहेकोमा ७ जना घाईते भएको रसुवा प्रहरीले जनाएको छ । प्रहरीका अनुसार वसका चालक र सहचालकसहित ४ जना सकुशल रहेका छन भने एकजना घाईते सामान्य उपचार पछि घटनास्थलबाटै घर फर्किएको बताइएको छ ।

घाईते भएका अन्य ६ जनाको भने स्थानिय स्वास्थ्यसंस्थामा सामान्य उपचारपछि एम्बुलेन्समार्फत काठमाण्डौ लगिएको रसुवाका प्रमुख जिल्ला अधिकारी अर्जुन भण्डारी जानकारी दिनुभयो । उनीहरु खतरा बाट रहेको बताइएको छ ।