चिसो बढेपछि नुवाकोटमा टोलटोलमा दाउरा वितरण गर्दै प्रहरी

नुवाकोट । नुवाकोटमा अत्याधिक चिसो बढेपछि नुवाकोट प्रहरीले टोलटोलमा दाउरा वितरण गरेको छ ।

समुदाय प्रहरी साझेदारी अवधारणा अन्र्तगत जिल्ला प्रहरी प्रहरी कार्यालय नुवाकोटको निर्देशनमा जिल्लाका विभिन्न स्थानहरुमा प्रहरीले दाउरा वितरण गरेको जिल्ला प्रहरी कार्यालय नुवाकोटले जनाएको छ ।

कार्यालयका अनुसार आईतबार विदुर नगरपालिका वडा नम्बर २ को इन्द्रचोक,भुटोल शिवपुरी गाउँपालिका वडा नम्बर ६ गुर्जे लगायतको स्थानमा दाउरा वितरण गरेको जिल्ला प्रहरी कार्यालय नुवाकोटका प्रमुख अबिनारायण काफ्लेले जानकारी दिए ।
यसअघि नुवाकोट प्रहरीले सदरमुकाम विदुर आसपासका बजार क्षेत्रमा पनि अत्याधिक चिसो बढेको भन्दै दाउरा वितरण गरेको थियो ।