नुवाकोटको त्रिशुली नदिमा सफाई अभियान शुरु गरिने

विदुर खबर २०७६ पुष ४ गते १८:४३

नुवाकोट । नुवाकोट भएर बग्ने धार्मिक तथा ऐतिहासिक पवित्र त्रिशुली नदिको आगामी साताबाट सरसफाई अभियान शुरु गरिने भएको छ ।

Advertisement

शुक्रबार विदुरमा आयोजना गरिएको त्रिशुली नदि सफाई तथा समिति गठन कार्यक्रमले आगामी शुक्रबार ११ गतेबाट त्रिशुली नदि सफाई अभियान शुरु गर्ने निर्णय गरेको डिकोन नेपालका कार्यकारी निर्देशक चोकराज शाक्यले जानकारी दिए ।

नदि सफाई अभियानको लागि त्रिशुली नदी सफाइ अभियान मूल समिति गठन समेत गरिएको छ । समितिको संयोजकमा जिल्ला समन्वय समिति नुवाकोटका प्रमुख सन्तमान तामाङ, सहसंयोजकमा विदुर नगरपालिकाका प्रमुख सञ्जु पण्डित र समितिको सदस्य सचिवमा जिल्ला समन्वय समितिका समन्वय अधिकारी कृष्णप्रसाद पन्थी रहेका छन ।

Advertisement

यस्तै समितिको सदस्यमाहरुमा विभिन्न स्थानिय तहका प्रमुख तथा उपप्रमुख, वडाअध्यक्षह्रु, सुरक्षा निकायका प्रमुखहरु, जिल्लामा रहेका सरकारी कार्यालयका प्रमुखहरु, जिल्लामा कार्यरत विभिन्न गैरसरकारी संघसंस्था रहेका छन ।

प्रतिक्रिया