सामुदायिक आँखा केन्द्र नुवाकोट उत्कृष्ट बन्न सफल

नुवाकोट । नुवाकोटको विदुर नगरपालिका वडा नम्बर ४ मा रहेको जिल्ला सामुदायिक आँखा केन्द्र नुवाकोट देशभरका आँखा केन्द्रहरुमध्ये अब्बल सावित हुँदै उत्कृष्ट बन्न सफल भएको छ । तिलगङ्गा आखा प्रतिस्ठान, गौशालाद्वारा सन्चालित देशभरका १७ वटा आँखा केन्द्रहरु मध्ये जिल्ला सामुदायिक आखा केन्द्र नुवाकोट सन २०१८ को उत्कृष्ट आखा केन्द्र बन्न सफल भएको हो ।

सामुदायिक आँखा केन्द्र नुवाकोट प्रमुख शंकर अधिकारीले देशभरका आँखा केन्द्रहरुमध्ये उत्कृष्ट हुँदै आफुहरु सम्मानित भएको सामाजिक संजाल फेसबुकमा बताएका छन । उनले सामुदायिक आँखा केन्द्र नुवाकोट देशकै उच्कृष्ट सापवत भएको भन्दै जिल्लामा कार्यरुत सबैको साथ र सहयोगमा सफल हुन सकेको बताए ।

सामुदायिक आँखा केन्द्र नुवाकोटले आम सेवाग्राहीलाई दिएको सेवाको आधारमा देशभर नै पहिलो बन्न सफल भएको हो । सामुदायिक आँखा केन्द्र नुवाकोटले नुवाकोटसहित रसुवा र धादिङका आँखाका विरामीहरुलाई समेत सेवा दिइरहेको छ ।

सामुदायिक आँखा केन्द्र नुवाकोटले विभिन्न चरणमा गरेको निशुल्क आँखा शिविरबाट करिव दुई हजारभन्दा बढीले सेवा लिएका छन ।