नुवाकोटको पन्चकन्या गाँउपालिका वडा सचिवविहिन

घलेभञ्याङ । पन्चकन्या गाउँपालिकाको सबै वडा सचिवविहन भएका छन । समायोजनका कारण केही सचिवहरु अन्यत्र गएपीछ साउन महिनायता गाउँपालिकाको पाँचवट्टै वडा कार्यालय सचिवविहिन भएको गाउँपालिकाका अध्यक्ष रमेश तामाङ रहेको बताए ।

वडा कार्यालयमा सचिवहरु नहुँदा वडाको काम प्राविधिक सहायकले चलाउने गरेको बताए उनले बताए । गाउँपालिका अध्यक्ष तामाङका अनुसार गाउँपालिकामा २९ जनाको दरबन्दि रहेपनि अहिले ९ जना कार्यरत रहेका छन । कर्मचारी अभावले जनताको काम प्रभावकारी रुपमा गर्न नसकेको उनले बताए । १५ दिनभित्रमा केही कर्मचारी आउँदै छन । त्यसपछि केही राहात हुन्छ भन्ने सोचेको छु ,अध्यक्ष तामाङले भने ।

त्यस्तै गाउँपालिकामा दरबन्दि अनुसारका कर्मचारी नहुँदा विभिन्न प्रशासनिक काम गर्न समस्या भएको गाउँपालिकाका प्रमुख प्रशासकिय अधिकृत नरेश पुडासैनीले बताए ।  गाउँपालिकामा विशेष गरि कृषि प्राविधिकको अभाव रहेको प्रमुख प्रशासकिय अधिकृत पुडासैनीले जानकारी दिए ।