नुवाकोटका स्थानीय तहमा कृषि प्राविधिक अभाव

नुवाकोट ।  साबिक जिल्ला कृषि विकास कार्यालयको संरचना खारेज भएर यतिबेला प्रत्येक स्थानीय तहमा कृषि शाखा गठन भएका छन् ।

स्थानीय तहमा अधिकार गए पनि सो अनुसारको स्रोत र जनशक्ति व्यवस्थापन नहुँदा कृषि क्षेत्रमा पर्याप्त काम हुन सकेको छैन । पहिलेको संरचनामा फिल्डमा खटिने प्राविधिकस्तरका कर्मचारीले नै स्थानीय तहको नेतृत्व गरिरहेका छन् । कृषि प्रसार, बाली विकास, बाली संरक्षण, मसलाबालीलगायत क्षेत्रका विषयविज्ञ नहुँदा कृषि क्षेत्रमा उल्लेख्य काम हुन नसकेको हो ।