चिनको केरुङबाट ४६ लाख बराबरको अवैध सुनसहित दुई महिला पक्राउ

रसुवा। चिनको केरुङ बाट रसुवागढी नाका हुदै नेपालतर्फ आउदै गर्दा टिमुरे प्रहरीले विषेश सुराकीको आधारमा नियमित चेक जाँच गर्ने क्रममा गोसाइकुण्ड गाउँपालिका १ थुमनका २ महिलासहित सात सय ४२ ग्राम सुन बरामद गरेको छ ।

जिल्ला प्रहरी कार्यालय रसुवाका प्रहरी प्रमुख भाग्येन्द्र पुरुष ढकालका अनुसार मंसिर ९ गते करिब विहान ९ बजेको समयमा चिनको केरुङबाट रसुवागढी हुदै पैदल आइरहेको पैदल यात्रुहरुको नियमित चेक जाँच गर्ने क्रममा गोसाइकुण्ड गा.पा. १ थुमन को ३४ बर्षिय म माया तामाङ र सोही ठाउँकी ३९ वर्षिय छोमाया तामाङ रहेको र शरिर खान तलासी गर्दा करिब ४५ लाख ५४ हजार सात सय ९६ रुपैया ६८ पैसा बराबरको सुन पक्राउ गरिएको हो ।

रसुवा जिल्ला अदालतबाट पक्राउ स्वीकृति लिई अनुसन्धानको लागि बरामद गरिएको सुनसहित पक्राउ परेका उक्त दुई महिलालाई आवश्यक अनुसन्धान तथा कारबाहीको लागि सम्बन्धित निकायमा पठाउने जिल्ला प्रहरी कार्यालय रसुवाले जनाएको छ ।,