लिखु गाउँपालिकाद्धारा बजार अनुगमन शुरु

नुवाकोट । नुवाकोटको लिखुगाउँपालिकाले सोमबारबाट गाउँपालिका क्षेत्रमा रहेको बजार क्षेत्रको अनुगमन शुरु गरेको छ ।

गाउँपालिकाकी उपाध्यक्ष रोजिना राईको नेतृत्वमा रहेको रहेको टोलीले ढिकुरे चौघडा लगाउत बजार क्षेत्रका एकदर्जन पसल र होटलहरुमा अनुगमन गरेको अनुगमनको टोलीको संयोजक एवं गाउँपालिकाकी उपाध्यक्ष राईले जानकारी दिइन ।

अनुगमन टोलीले अनुगमनको क्रममा पसलहरु दर्ता नगरेको, केहीमा म्याद गुर्जेका सामानहरु भेटिएको र होटल तथा मासु पसलमा सफा नभेटिएको अनुगमन समितिले जनाएको छ । अनुगमनका क्रममा दोषी देखिएका पसल तथा होटल संचालकहरुलाई पहिलोपटक सचेत गरेर छाडिएको अनुगमन समितिले जनाएको छ ।

अनुगमनमा वडा नम्बर १ का वडाअध्यक्ष नरहरी पाण्डे, वडा नम्बर २ का वडाअध्यक्ष भिम बहादुर घले, प्रहरी चौकी ढिकुरेका प्रहरी तथा विभिन्न सरोकारवाला निकायहरुको उपस्थिति रहेको थियो ।