दारीग्याङ नुवाकोटले टास्यो स्वास्थ्य संस्थामा जनचेतनामुलक व्यानर

नुवाकोट । विभिन्न सामाजिक कार्य गर्दै आएको दारी ग्याङ नुवाकेोटले बुधबार नुवाकोटको विभिन्न स्वास्थ्य संस्थामा रक्तदान सम्बन्धित जनचेतनामूलक ब्यानर रफ्लेक्स टाँसेको छ ।

आम मानिसमा रक्तदान सम्बन्धित विभिन्न भ्रमहरू रहेको भैनदै व्यानरले सो भ्रम हाउने भएकोले विभिन्न स्वास्थ्य संस्थामा ब्यानर टासिएको दारी ग्याङ नुवाकोटका संयोजक सुवास श्रेष्ठले जानकारी दिए । दारी ग्याङले जिल्लामा रहेको सापकोटा मेडिकल हल, संजिवनी फार्मेसी, चक्रदेव पोलिक्लिनिक, समिर फार्मेसी, जिल्ला अस्पताल त्रिशूली र भण्डारी मेडिकल हलमा ब्यानर टासेको हो ।

दारी ग्थ्याङ नुवाकोट संयोजक श्रेष्ठले आगमी दिनमा जिल्लाका अन्य विभिन्न स्वास्थ्य संस्था तथा औषधी पसलहरु तथा मानिसको भिडभाड हुने स्थानमा ब्यानर टास्ने बताए ।