नवसञ्जीवनी मावि गाउँपालिकाकै उत्कृष्ट विद्यालय बन्न सफल

विदुर  ।  गाउँपालिकाकै उत्कृष्ट विद्यालय बन्न सफल भएको भन्दै पन्चकन्या गाउँपालिकाले नवसञ्जीवनी माध्यमिक विद्यालयलाई सम्मान गरेको छ ।

४० औं शिक्षा दिवसको अवसर पारेर गाउँपालिकाले वडा नम्बर २ कविलासको कठेरीमा रहेको नवसञ्जीवनी माध्यमिक विद्यालयलाई उत्कृष्ट भएको भन्दै सम्मान गरेको हो । पन्चकन्या गाउँपालिकाबाट गत सालको एसईई परिक्षामा नवसञ्जीवनी माध्यमिक विद्यालयकी हिमानी लामिछानेले ३.७५ जि.पि.ए. ल्याएर प्रथम भएकी थिइन । उनी सामुदायिक विद्यालयतर्फबाट जिल्लाभरबाट समेत दोस्रो भएको विद्यालयले जनाएको छ ।

त्यस्तै नवसञ्जीवनी माध्यमिक विद्यालयका शिक्षकहरुलाई नै उत्कृष्ट शिक्षकको घोषणा गरेको गाउँपालिकाले जनाएको छ । विद्यालयका नेपाली अर्थशास्त्र, तथा अंग्रेजी विषयको गरि सातजना विषयगत शिक्षकलाई गाउँपालिकाले सम्मान गरेको हो ।