नुवाकोट भित्रने सडक सुधारको माग गर्दे कांग्रेसले दबाब दिने

नुवाकोट । सडक सुधारको माग गर्दे नेपाली कांग्रेस नुवाकोटले पुन सरकारलाई दबाब दिने भएको छ ।

कांग्रेस नुवाकोटले सडक सुधार र स्तरयन्ननतिको माग गर्दे आगामी आगामी आईतबार २२ गते शान्तिपुर्ण दबाब कार्यक्रमको आयोजना गरेको नेपाली कांग्रेस नुवाकोटका सभापति जगदिश्वरनरसिंह केसीले जानकारी दिए । काठमाण्डौबाट नुवाकोट प्रबेश गर्ने विभिन्न नाकाहरु बालाजु–ककनी–बिदुर, टोखा–झोर–छहरे र ओखरपौवा–चाउथे–कुमरी सडकको छिट्टो निर्माण र स्तर उन्नतिको माग गर्दे दबाब मुलक विरोध कार्यक्रमको आयोजना गर्ने बताइएको छ ।

निर्माण व्यवसायी र सरकारी पक्षको उदासिनताल जनताले दुख पाइरहेको भन्दै विरोधको कार्यक्रमको आयोजना गरिएको नेपाली कांग्रेस नगर र गाउँ सम्पर्क समिति सयुक्त दबाब समुह नुवाकोटले जनाएको छ ।