नेकपा नुवाकोटका तीन दर्जन कार्यकर्ता काँग्रेस प्रवेश

नुवाकोट । नेपाल कम्युनिष्ट पार्टी नुवाकोटका करिव तीन दर्जन कार्यकर्ता नेकपा परित्याग गरि नेपाली काँग्रेसमा प्रवेश गरेका छन् ।

नेकपा नुवाकोट तथा ककनी गाँउपालीकाका अन्तर्गतका नेकपाका बिभिन्न कमिटीहरुमा रहेर काम गरेका ३४ जना कार्यबर्ता नेपाली कांग्रेस प्रवेश गरेका हुन । कांग्रेस प्रवेश गर्नेहरुमा प्रकाश लामा, जगदीश लामिछाने, दिनेश खनाल, शेष राज भटट, गोबिन्द लामिछाने, अनम तामाङ, रामकुमार नेपाल,सन्जिब तामाङ, राज तामाङ, अशोक लामा, ज्ञनराज घिमिरे, अर्पण लामा, धन ब लामा, झङकनाथ घिमिरे, उत्तर लामा, सुरज लामा, लगायत छन । काँग्रेस प्रवेश गरेका युवाहरुलाई शनिवार नेपाली काँग्रेस नुवाकोटका जिल्ला सभापति जगदिश्वर नरसिंह केसीले साधारण सदस्यता प्रदान गरेका हुन ।

कांग्रेस प्रवेश गरेकाहरुले समृद्ध नेपालको सपना देखेर नेकपालाई मतदान गरेपनि सरकार गठनपछि हत्या, हिंसा, अराजगता र भ्रष्टाचामा मुलुक डुवीरहेको अवस्थामा नेकपाबाट समृद्ध नेपाल बन्न नसक्ने ठहर गदै काँग्रेसमा प्रवेश गरेको बताए । कार्यक्रममा नेपाली काँग्रेस नुवाकोटका सभापति जगदिश्वरनरसिंह केसीले पार्टी प्रवेश गरेका युवाहरुलाई सरकारको कार्यशैलीबाट निरास नहुन आग्रह गरे । उनले नेपाली काँग्रेस संगठन निर्माण गर्न कृयाशील भएर लागीरहेको भन्दै वलियो संगठन निर्माण गर्न कार्यकर्ताहरुलाई निर्देशन दिए ।