त्रिभुवन त्रिशूली बहुमुखी क्याम्पसको पुनर्निर्माणमा एनसेल फाउन्डेसनले सघाउने

विदुर खबर २०८३ मंसिर ६ गते २१:४०

नुवाकोट । गत भदौमा आएको भोटेकोशी बाढीका कारण क्षतिग्रस्त बनेको नुवाकोटको विदुरस्थित त्रिभुवन त्रिशूली बहुमुखी क्याम्पसको मर्मतसम्भार तथा पुनर्निर्माणका लागि एनसेल फाउन्डेसन र विदुर नगरपालिकाबीच समझदारीपत्रमा हस्ताक्षर भएको छ ।

बाढीले क्याम्पसको भवन तथा भौतिक संरचनामा गम्भीर क्षति पुर्‍याउँदा पठनपाठन प्रभावित भएको थियो ।

विद्यार्थीहरूको पढाइलाई नियमित र सहज बनाउन एनसेल फाउन्डेसनले क्याम्पसको आवश्यक मर्मतसम्भारमा सहयोग गर्ने भएको हो ।

यो सहयोगबाट क्याम्पसमा अध्ययनरत ३ सयभन्दा बढी विद्यार्थीहरू प्रत्यक्ष लाभान्वित हुनेछन् ।

संरचनाको मर्मतपछि विद्यार्थीहरूलाई सुरक्षित वातावरणमा नियमित पठनपाठन सुचारु गर्न मद्दत पुग्ने अपेक्षा गरिएको छ ।

प्रतिक्रिया