दशैँ बिदापछि आजबाट शेयर कारोबार खुल्दै

नुवाकोट । दशैँ बिदापछि आजदेखि शेयर कारोबार खुल्दैछ।

दशैँ अघिको अन्तिम कारोबार दिन अर्थात असोज १२ गते, आइतबार, नेप्से परिसूचक ०.४३ प्रतिशत बढेर बन्द भएको थियो।

सो अघिको बिहीबार २६५२.०० विन्दुमा बन्द भएको नेप्से, सो दिन ११.५१ अंक बढेर २६६३.५१ विन्दुमा पुगेको हो।

दशैँ तिहार बिचका कारोबार दिनहरुमा शेयरबजार प्रायः सुस्त हुने गरेको विगतमा हामी देख्न सक्छौँ। लगानीकर्ताहरु फेस्टिभ मुडमा हुने भएकाले बजारमा अन्य समयमा जस्तो खासै कारोबार देखिदैन।