विदुर मेयर कपको लागि वडा नं ५ को खेलाडी छनोट

नुवाकोट । आगामी जेठ २९ गतेदेखि शुरु हुने ’प्रथम विदुर मेयर कप अन्तर वडास्तरीय ट्वान्टी–२० क्रिकेट प्रतियोगिताको लागि वडा नम्बर ५ ले खेलाडी छनोट सम्पन्न गरेको छ ।

छनोट गरिएको टोलीको कप्तानमा विशाल चित्रकार रहेका छन् भने उपकप्तानमा सुमन न्यौपाने रहेका छन् । छनोट भएका अन्य खेलाडीहरुमा सन्जिव रिमाल, पुकार माझी, मिलन गजुरेल, नन्दितजंग माझी, प्रदिप माझी र विनोद श्रेष्ठ रहेका छन् ।

यस्तै छनोट भएका अन्य खेलाडीहरुमा निरज चित्रकार, करण गजुरेल, दिपेश कुमाल, युकेश पनेरु, जेहान जेके र राजिव अर्याल रहेका छन् ।

वैकल्पिक खेलाडीहरुमा प्रकाश माझी, आशिक न्यौपाने, विनय कुमाल र अंकित न्यौपाने रहेका छन् ।

टिमको प्रशिक्षकमा जोनी जेके रहेका छन् भने टिमम्यानेजरमा विनोद चित्रकार रहेका छन् ।

विदुर नगरपालिकाको आयोजना तथा नुवाकोट क्रिकेट संघको सहकार्यमा हुन लागेको प्रतियोगिता विदुर ५ को तल्लो पिपलटारमा रहेको चन्द्र्रज्योती माविको खेल मैदानमा हुने छ ।

प्रतियोगिताको विजेताले ५० हजार रुपैयाँ नगद, ट्रफी र प्रमाणपत्र हात पार्नेछ भने दोस्रो हुने टिमले २५ हजार रुपैयाँसहित ट्रफी र प्रमाणपत्र प्राप्त गर्नेछन् ।