विदेश पठाइदिने भन्दै ठगीको आरोपमा धादिङका अधिकारी पक्राउ

नुवाकोट । अमेरिका, क्यानाडा, अजरबैजान र मरिसस पठाइदिन्छु भन्दै ठगी गरेको आरोपमा प्रहरीले धादिङका एक सहित अन्य दुईजनालाई पक्राउ गरेको छ ।

पक्राउ पर्नेमा धादिङको त्रिपुरासुन्दरी गाउँपालिका वडा नम्बर ३ का दिनेश अधिकारी छन् ।

अधिकारीले एक युवकलाई अमेरिका पठाइदिन्छु भन्दै ३२ लाख ५७ हजार रुपैयाँ ठगेको उजुरी परेको छ । अधिकारीले क्यानाडा, अजरबैजान र मोरिसस पठाइदिन्छु भन्दै १४ जनाबाट ७१ लाख ७० हजार रुपैयाँ ठगेको प्रहरीमा परेको उजुरीमा उल्लेख छ ।

पीडितहरूका अनुसार पैसा लिएपछि उनीहरू सम्पर्कविहीन भएका थिए । प्रहरीले तीनजनालाई राजधानीका विभिन्न स्थानबाट नियन्त्रणमा लिएर आवश्यक अनुसन्धान अगाडि बढाएको छ ।