सुर्यगढी गाउँपालिकाले तीज विशेष सांस्कृतिक कार्यक्रम गर्ने

नुवाकोट । महिलाहरुको पर्व हरितालिका तीजको अवसर पारेर सुर्यगढी गाउँपालिकाले तीज विशेष सांस्कृतिक कार्यक्रम आयोजना गर्ने भएको छ ।

सोमवार चोकदे बजारमा एक कार्यक्रमको आयोजना गरि तीज विशेष कार्यक्रमको आयोजना गर्न लागिएको गाउँपालिकाकी उपाध्यक्ष तथा कार्यक्रमको संयोजक समेत रहेकी मन्जु बुढाथोकीले जानकारी दिइन् ।

नेपाली कला संस्कृती र परम्पराको संरक्षण गर्ने उदेश्यले तीज विशेष सांस्कृतिक कार्यक्रम आयोजना गरिएको गाउँपालिकाका अध्यक्ष सन्तवहादुर घलेले जानकारी दिए ।

तीज विशेष साँस्कृतिक कार्यक्रममा रााष्ट्रिय कलाकारहरु चिज गुरुङ र लाजुमाया गुरुङ लगायतको प्रस्तुती रहने गाउँपालिकाले जनाएको छ ।