पहिरोमा परेकाको तत्काल उद्धार गर्न नुवाकोट कांग्रेसका जिल्ला समापति केशीको आग्रह

नुवाकोट भदौ २७, नुवाकोट जिल्लाको दुप्चेश्वर गाउँपालिका–१ स्थित घ्याङफेदीमा रहेको चेताङबस्तीमामा पहिरोले पुरिएर दुई जना थुनिएको र चारघर बगाएको घटनाप्रति नेपाली कांग्रेस नुवाकोटले दुःख व्यक्त गरेको छ ।

कांग्रेस जिल्ला सभापति जगदीश्वरनरसिंह केसीले एक विज्ञप्ति मार्फत पहिरोका कारण विस्थापित परिवारको हेलिकप्टर पठाएर उद्धार गर्न सरकारसँग अपिल समेत गर्नुभएको छ । साथै उहाले यस्तो विपतका बेला सहयोग गर्नु सबैको धर्म भएकाले पार्टीका क्रियाशिल कार्यकर्ताहरुलाई तत्काल राहत तथा उद्धारमा लाग्न समेत आग्रह गर्नुभएको छ ।

सो स्थानमा पहिरोले चार घर पुरिएको र दुई जना थुनिएको दुप्चेश्वर गाउँपालिकाले जनाएको छ । प्रहरीका अनुसार पहिरोमा फस्ने दोर्जेन शेर्पा र एङसेन शेर्पा रहेको बताइएको छ।