रेडक्रस सोसाइटी रसुवाको सभापतिमा पुन: वावुलाल तामाङ निर्वाचित

नुवाकोट । नेपाल रेडक्रस सोसाइटी रसुवाको सभापतिमा पुन : वावुलाल तामाङ निर्विरोध रुपमा निर्वाचित भएका छन् ।

आज भएको २८ औ जिल्ला अधिवेशनले तामाङको नेतृत्वमा निर्विरोध रुपमा कार्यसमिति चयन गरेको हो । उप–सभापतिमा निलनाथ आचार्य निर्वाचित हुँदा महिला उप–सभापतिमा देकी छोपो तामाङ निर्वाचित भएका छन् ।

यस्तै मन्त्रिमा चुडामणी अधिकारी, कोषाध्यक्षमा दिनेश कुमार तामाङ र उपमन्त्रिमा राजकुमार घले निर्विरोध भएका छन् ।

त्यस्तै सदस्यहरुमा पासाङ तामाङी, शुशिला तामाङ, सार्की तामाङ, सुर्नष तामाङ, र दशरथ देवकोटा निर्वाचित भएका छन् ।

यस्तै अन्य सदस्यहरुमा कृष्णप्रसाद देवकोटा, नुर्प तामाङ, ऋषेश्वर पौडेल, कमल गुरुङ र लामा थर्चेन घले निर्वाचित भएको निर्वाचन अधिकारी रामजी पौडेलले जानकारी दिए ।