थप २९३ जनामा कोभिड १९ संक्रमण पुष्टि , २ जनाको निधन

नुवाकोट । नेपालमा थप २९३ जनामा कोभिड १९ संक्रमण पुष्टि भएको छ ।

स्वास्थ्य तथा जनसंख्या मन्त्रालयको नियमित अपटेड अनुसार ९ हजार ५१० पीसीआर परीक्षण गर्दा २४१ जनामा र २ हजार ११६ एन्टिजेन परीक्षण गर्दा ५२ जनामा संक्रमित पाइएको हो ।

२४ घण्टामा २६३ जना कोरोना संक्रमण निको भएर डिस्चार्ज भएका छन् । सोहि अवधिमा २ जनाको निधन भएको छ ।

काठमाडौंमा संक्रमितको संख्या बढिरहेको छ । बिहीबार काठमाडौंमा १०१ जना, ललितपुरमा ३४ जना र भक्तपुरका १३ जना थपिएका छन् । यसरी उपत्यकामा संक्रमण पुष्टि हुनेको कुल संख्या १४८ रहेको छ ।

हाल ५ हजार १६१ जना सक्रिय संक्रमित रहेका छन् । यस्तै ९९ जना क्वारेन्टिनमा रहेको मन्त्रालयले जनाएको छ ।