नुवाकोटमा कोरोनाका सक्रिय संक्रमित २१ जना पुगे

नुवाकोट । नुवाकोटमा कोरोनाका सक्रिय संक्रमितको संख्या २१ जना पुगेको छ ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ४ जना कोरोनामुुक्त भएर घर फर्किएसँगै जिल्लामा कोरोनाका सक्रिय संक्रमितको संख्या २१ जना पुगेको स्वास्थ्य कार्यालय नुवाकोटका सुचना अधिकारी उत्तमराज खनालले जानकारी दिए ।

जिल्लामा रहेका सक्रिय कोरोना संक्रमितमध्ये २० जना होम आइसोलेसनमा र एकजना अस्पतालमा उपचाररत रहेको कार्यालयका सुचना अधिकारी खनालले बताए ।

नुवाकोटमा कोरोना संकमणबाट हालसम्म ५१ जनाको मृत्यु भएको स्वास्थ्य कार्यालय नुवाकोटले जनाएको छ ।

जिल्लामा हालसम्म २८ हजार ३ सय ९८ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।