नुवाकोटकी चेली मिठु तामाङको मलेसियामा मृत्यु

नुवाकोट । नुवाकोटको पञ्चकन्या गाउँपालिका वडा नम्बर ५ भद्रुटारकी मिठु तामाङ (कान्छी) को मलेसियामा मृत्यु भएको छ ।

भद्रुटारको घट्टे खोला स्थायी ठेगाना भएकी मिठ्ठको शनिबार बिहान मृत्यु भएको हो । वैदेशिक रोजगारीको शिलशिलामा दुई वर्ष अगाडि मलेसिया पुगेकी मिठ्ठको अचानक मृत्युको खबरले उनका आफन्तजन स्तब्ध भएका छन् ।

’दशैमा घर आउछु भन्थिन, आज अचानक बहिनीको मृत्युको खबरले हामी स्तब्ध भएका छौं, मृतककी दिदी सुनिता तामाङले भनिन । मिठु दुई वर्ष अघि केहि कमाइ गर्ने लक्ष्यका साथ मलेसियास्थित केल कोतरयामा रहेको नेपाली होटलमा पुगेकी थिइन ।

काम गर्ने सिलसिलामा कहिलेकाही टाउको आफै दुख्ने बताउने गरेकी २५ वर्षीय मिठुको उपचारको क्रममा अस्पतालमा निधन भएको पारिवारिक श्रोतले जनाएको छ ।
आवश्यक कागजात पुरा गरि शव नेपाल ल्याइने बताइएको छ ।