कोरोनाको कारण यस वर्ष पनि गोसाईंकुण्ड मेला नहुने

नुवाकोट । कोभिड-१९ को दोस्रो लहर फैलिएसँगै यस वर्ष पनि गोसाईंकुण्ड जनैपूर्णिमा मेला नहुने भएको छ ।

साउन २९ गतेबाट भदौ ६ गतेसम्म लाग्ने मेला जनैपुर्णिमा मेला भिडभाडका कारण भएपछि सङ्क्रमण बढ्ने भएकाले स्थगन गरिएको गोसाईंकुण्ड क्षेत्र विकास समिति रसुवाका अध्यक्ष सञ्जीव डिएमले जानकारी दिए ।

विशेष गरी गोसाईंकुण्डमा जनैपूर्णिमा र गंगा दशहरामा वर्षेनी मेला लाग्ने गर्दछ । तर पनि धार्मिक पर्यटनका लागि भने बाह्रै महिना मानिसहरू आउने जाने गर्दछन् ।

गत वर्षदेखि गोसाईंकुण्ड आवतजावतमा शून्यता छायो भने यस वर्ष पनि उही दोहोरियो । २०७२ सालको भूकम्पपछि गोसाईंकुण्ड जानेको सङ्ख्या घटेको थियो ।

गोसार्इकुण्डमा मनले चिताएको पुग्ने धार्मिक विश्वास छ । राष्ट्रिय विभूति अमरसिंह थापाले देह त्याग यही गरेका थिए । नेपाल लगायत भारतबाट पनि लाखौँको सङ्ख्यामा श्रद्धालु भक्तजनको आगमन हुन्छ ।

धार्मिक मान्यता अनुसार गोसाईंकुण्ड यात्रामा जाने क्रममा बाटो मा पर्ने कालिका माईको दर्शन गरी गोसाईंकुण्ड जाँदा सहज हुने र भगवान् शिव खुसी हुने विश्वास रहेको छ ।

समुन्द्री सतहदेखि चार हजार तीन सय ८० मिटरको उचाइमा रहेको पर्दछ ।