नुवाकोटको विदुर–बट्टार क्षेत्रमा २१ घण्टापछि सडक सुचारु

नुवाकोट । नुवाकोटको विदुरमा बुधवार रातीदेखि अवरुद्ध बनेको सडक सुचारु भएको छ ।

गल्छी त्रिशुली मैलुङ रसुवागढी आयोजनाले स्काभेटर प्रयोग गरि सडक सुचारु गरेको हो । विदुर नगरपालिका वडा नम्बर २ मा रहेको पुल भासिएपछि अवरुद्ध बनेको राजमार्ग झन्डै २१ घण्टापछि संचालनमा आएको छ ।

पुलमा क्षति पुगेसँगै नुवाकोटको बट्टारबाट विदुर जाने सडक बन्द हुँदा नुवाकोट सहित रसुवाको यातायात दिनभर ठप्प भएको थियो ।

पुल भासिएसँगै आपतकालीन सेवा दिने सवारी साधनसमेत आउजाउ हुन समेत सकेका थिएनन् । लामो सयम सडक बन्द भएपछि रसुवागढीबाट फर्किएका मालवाहक सवारीसाधनहरु लाइन लागेर बसेका थिए ।

सडक अस्थाइ रुपमा संचालनमा ल्याइएको बताइएको छ ।