सुर्यगढी गाउँपालिकामा थप एकजना कोरोना संक्रमितको मृत्यु

नुवाकोट । नुवाकोटको सुर्यगढी गाउँपालिकामा थप एकजना कोरोना संक्रमितको मृत्यु भएको छ ।

मृत्यु हुनेमा गाउँपालिकाको वडा नम्बर ५ का ८० वर्षिय बृद्ध रहेको स्वास्थ्य कार्यालय नुवाकोटले जनाएको छ ।

यससँगै सुर्यगढी गाउँपालिकामा कोरोना संक्रमणबाट मृत्यु हुनेको संख्या २ पुगेको गाउँपालिकाले जनाएको छ ।

गाउँपालिकामा हालसम्म कोरोना संक्रमितको संख्या ३ सय ८५ पुगेको छ । संक्रमितमध्ये २ सय २४ पुरुष र एकसय ६१ महिला रहेका छन् ।

अहिले गाउँपालिकाका ७ जना होम आइसोलेसनमा उपचाररत रहेका छन् ।

गाउँपालिकामा हालसम्म १२ सय ५१ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।