नुवाकोटमा थप ६७ जना कोरोना संक्रमित थपिए

नुवाकोट । नुवाकोटमा थप ६७ जना कोरोना संक्रमित थपिएका छन् ।

स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा एकसय ३३ जनाको पिसिआर परिक्षण गर्दा ६७ जनामा कोरोना संक्रमण पुष्टि भएको हो । यससँगै जिल्लामा कोरोना संक्रमितको संख्या ४ हजार ९ सय ८८ पुगेको छ ।

कार्यालयका सुचना अधिकारी उत्तमराज खनालका अनुसार पछिल्लो २४ घण्टामा जिल्लाको तारकेश्वर गाउँपालिकामा सबैभन्दा बढी ३२ जना कोरोना संक्रमित थपिएका छन् ।

यस्तै विदुर नगरपालिकामा १५ जना कोरोना संक्रमित थपिँदा लिखु गाउँपालिकामा ८ जना संक्रमित थपिएका छन भने किस्पाङ र म्यागङ गाउँपालिकामा समान ४÷४ जना संक्रमित भेटिएका छन् । त्यस्तै बेलकोटगढी नगरपालिकामा ३ जना र सुर्यगढी गाउँपालिकामा एकजना संक्रमित थपिएका छन् ।

यससँगै नुवाकोटमा कोरोना संक्रमितको संख्या ४ हजार ९ सय ८८ पुगेको छ । यस्तै जिल्लामा सक्रिय कोरोना संक्रमितको संख्या ९ सय ६३ पुगेको छ । सक्रिय कोरोना संक्रमितमध्ये ८ सय ९८ जना होम आइसोलेसनमा, ३४ जना आइसोलेसन सेन्टरमा र २९ जना अस्पतालमा उपचाररत रहेका कार्यालयका सुचना अधिकारी उत्तमराज खनालले जानकारी दिए ।

यस्तै पछिल्लो २४ घण्टामा जिल्लामा ५६ जना कोरोना संक्रमित कोरोनामुत्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ३ हजार ९ सय ९२ पुगेको छ ।

नुवाकोटमा कोरोना संक्रमणबाट अहिलेसम्म ३३ जनाको मृत्यु भएको स्वास्थ्य कार्यालय नुवाकोटले जनाएको छ ।

नुवाकोटमा हालसम्म १९ हजार ३ सय ४९ जनाको पिसिआर परिक्षण गरिएको स्वास्थ्य कार्यालय नुवाकोटले जनाएको छ ।