एक महिना विद्यालय बन्द गर्न स्वास्थ्य मन्त्रालयको सिफारिस

नुवाकोट । काठमाडौं उपत्यकासहित ठूला शहरका विद्यालय एक महिना बन्द गर्न सिफारिस गरिएको छ ।

स्वास्थ्य तथा जनसंख्या मन्त्रालयले बालबालिकामा कोरोनाको जोखिम बढेकोले काठमाडौं उपत्यकासहित ठूला शहरका विद्यालय एक महिना बन्द गर्न सिफारिस गरेको हो ।

अहिले देखिएको कोरोना भाइरसको नयाँ भेरियन्ट युवा र कम उमेर समूहमा देखिएकोले सावधानी स्वरुप ठूला शहरका विद्यालय एक महिना बन्द गर्न सिफारिस गरेको हो  । यो अवधिमा अनलाइन कक्षामार्फत पठन पाठन गराउन स्वास्थ्य मन्त्रालयले सुझाव दिएको छ । 

यस अघि कोभिड–१९व्यवस्थापन सेन्टर (सीसीएमसी)ले पनि ३ साता विद्यालय बन्द गर्न प्रस्ताव गरेको थियो । तर मन्त्रिपरिषद् बैठकले यसबारे कुनै निर्णय गरेको छैन ।