नुवाकोट । रसुवागढी हाइड्रोपावर कम्पनी (RHPL) ले आठौं वार्षिक साधारणसभा बोलाएको छ । कम्पनी संचालक समितिको मंसिर २१ गते बसेको २२८ औं बैठकले साधारण सभा बोलाएको हो ।

Advertisement

कम्पनीले पुस २० गते विहान ११ बजे चिलिमे जलविद्युत कम्पनीको सभाहल धुम्बाराही काठमाडौंमा आठौं वार्षिक साधारण सभा बोलाएको हो ।कम्पनीले साधारणसभामा संचालक समितिको आर्थिक वर्ष २०७६/७७ को वर्षिक प्रतिवेदन उपर छलफल गरि पारित गर्ने, लेखापरीक्षकको प्रतिवेदन सहित जगद प्रवहा विवरण समेत पारित गर्ने प्रस्ताव गरेको छ ।

यस्तै आर्थिक वर्ष २०७७/७८ को लागि लेखापरीक्षक नियुक्ति तथा पारिश्रमिक तोक्ने प्रस्ताव पनि गरेको छ । कम्पनीले साधारणसभा प्रयोजनको लागि पुस १२ गते बुक क्लोज गर्ने जनाएको छ । त्यस अनुसार पुस ९ गतेसम्म कायम शेयरधनीले मात्र सभामा सहभागि हुन सक्नेछन् ।